سرینگر میں کورونا کے بڑھتے معاملات کو تشویش ناک قرار دیتے ہوئے ضلع ترقیاتی کمشنر محمد اعجاز اسد نے کہا کہ مخصوص علاقوں میں مخصوص طبقے کی طرف سے اجتماعات منعقد کئے جانے کے بعد کووڈ کیسز میں تیزی دیکھنے کو مل رہی ہے۔
انہوں نے کہا کہ لال بازار ،زڈی بل اور الہی باغ کے 22 علاقوں کو کنٹیمنٹ زون قراد دیا گیا ہے۔ ان علاقوں کو سیل کرنے کے علاوہ لوگوں کے نقل و حرکت پر مکمل پابندی عائد کی گئی ہے۔
محمد اعجاز اسد نے خبردار کیا کہ اس طرح کی صورتحال سرینگر میں کورونا کی تیسری لہر کی باعث بن سکتی ہے۔
مزید پڑھیں:سرینگر: ماسک نہ پہننے پر 13 افراد حراست میں
انہوں نے لوگوں پر زور دیا کہ وہ کورونا وائرس کے رہنما خطوط پر من عن پیرا رہیں،بصورت دیگر خلاف ورزی کرنے والے افراد کے خلاف قانون کے تحت کاروائی عمل میں لائی جائے گی۔
ہم آپ کو بتادیں گزشتہ روز ضلع انتظامیہ نے شہر سرینگر میں ماسک نہ پہننے کی پاداش پر 13 افراد کو حراست میں لیا ہے۔
