ہلاک شدہ جوان بھوپندر سنگھ چوہان کے جسد خاکی کو اتوار کی سہ پہر تک ان کے آبائی گاؤں لایا جائے گا جس کے بعد باس گاؤں میں ان کی سرکاری اعزاز کے ساتھ آخری رسومات ادا کی جائے گی۔
بتایا جارہا ہے کہ بھوپندر سنگھ چوہان جموں و کشمیر میں تعینات تھے۔ جمعہ کی شب پلوامہ کے قریب رام پور میں عسکریت پسندوں نے مارٹر سے آرمی چیک پوسٹ پر حملہ کر دیا، اس حملے میں تین فوجی اہلکار ہلاک ہو گئے جبکہ متعدد فوجی اہکار زخمی ہوئے ہیں۔
بتایا جارہا ہے کہ بھوپندر سنگھ چوہان کے جسد خاکی کو پہلے سری نگر میں خراج تحسین پیش کیا جائے گا جس کے بعد طیارہ کے ذریعہ دہلی لایا جائے گا، جہاں انہیں 'وار میموریل' میں خراج تحسین پیش کیا جائے گا جس کے بعد ان کے جسد خاکی کو دوپہر تک باس گاؤں پہنچایا جائے گا۔
بھوپندر سنگھ کی ڈیڑھ سال قبل شادی ہوئی تھی، شہید کا 7 ماہ کا بیٹا بھی ہے۔
