سرینگر ٹریفک پولیس نے ایک ایڈوائزیری جاری کرتے ہوئے کہا کہ 25 تا 26 ستمبر کو سرینگر میں ایئرشو کے انعقاد پر سرینگر بلواڈ روڈ عام ٹریفک کے لئے بند رہے گا۔
ٹریفک پولیس نے ایڈوائزری میں کہا ہے کہ ایئر شو کے پیش نظر 25 اور 26 ستمبر کو بلواڈ روڈ کے بڈیاری سے لیکر نشاط تک صبح چھ بجے سے تین بجے تک عام ٹریفک کے لیے بند رہے گا۔
ٹریفک پولیس نے گاڑی والوں کو ہدایت دی کہ فورشور، ہبک، حضرت بل روٹ یا پھر تیل بل، ذکورہ، حضرت بل روٹ کا ان دو دن میں استعمال کیا جائے۔
مزید پڑھیں:جھیل ڈل کی فضا میں ایئرشو کا انعقاد کیا جارہا ہے
ایڈوائزری میں یہ بھی کہا گیا ہے کہ سیاحوں کی پوری طرح سے ویریفکیشن کے بعد ہی انہیں نہرو پارک تک جانے کی اجازت دی جائے گی۔ وہیں میڈیکل ایمرجنسی کے دوران موقع پر ہی روٹ طے کیا جائے گا۔
واضح رہے جیل ڈل کے کنارے پہلا ایئرشو منعقد کیا جا رہا ہے جس میں بھاری تعداد میں لوگ فضائیہ کی کارکردگی کا مظاہرہ دیکھ کر لطف اندوز ہوں گے۔
