پانپور میں اراضی ریکارڈ کی جدید کاری کے بارے میں آگاہی پروگرام

پانپور میں تحصیل انتظامیہ کی جانب سے آج 'آپ کی زمین آپ کی نگرانی' پروگرام کا انعقاد کیا گیا۔

جموں و کشمیر کے ضلع پلوامہ کے پانپور میں تحصیل انتظامیہ کی جانب سے آج 'آپ کی زمین آپ کی نگرانی' عنوان کے تحت ایک بیداری پروگرام منعقد کیا گیا۔

پروگرام میں تحصیلدار پانپور اشتیاق محی الدین، ایکزکیٹیو آفیسر مونسپل کمیٹی پانپور محمد اقبال، ناٸب تحصیلدار پانپور محمد امین کے علاوہ پٹواری افسر سمیت زمینداروں کی ایک اچھی تعداد نے بھی شرکت کی۔

پروگرآم کے دوران زمین مالکان کو لینڈ رکارڈز کے بارے میں جانکاری فراہم کی گئی کہ کیسے وہ اپنی زمین کے رکارڈ کو محفوظ رکھ سکتے ہیں۔

تحصیلدار پانپور نے کہا کہ لینڈ رکارڈس میں جدت لانے سے زمین مالکان کو ہر طرح کا فائدہ ہو گا۔ وہ آسانی سے اپنی زمین کا رکارڈ چیک کر سکتے ہیں۔

انہوں نے کہا گورنمنٹ کی طرف سے اٹھائے جانے والے ایسے اقدامات لوگوں کے فائدے کے لیے ہیں۔