اونتی پورہ پولیس اہلکاروں نے عید الاضحیٰ کے موقع پر کورونا کے ممکنہ پھیلاؤ کو روکنے کے لئے ایک پروگرام کا انعقاد کیا۔
اس پروگرام میں مقامی مساجد کے ذمہ داران، ائمہ کرام، دکاندار اور دیگر لوگوں نے شرکت کی۔
اس کے علاوہ مذکورہ پروگرام میں ایس ایچ او، اونتی پورہ جی ایم راتھر اور دیگر عہدیدار شامل رہے۔
مزید پڑھیں:عیدالاضحی، ضلع انتظامیہ نے مسلم رہنماوں کے ساتھ میٹنگ منعقد کی
پروگرام کے دوران لوگوں پر زور دیا گیا کہ وہ عید الاضحیٰ کے موقع پر انتظامیہ کی جانب سے جاری کردہ رہنما خطوط پر عمل آوری کو یقینی بنائیں تاکہ اس وبا پر جلد قابو پایا جاسکے-
مقامی افراد نے پولیس کے اس پروگرام کو خوش آئند قرار دیا ہے۔
