جموں وکشمیر اپنی پارٹی کی جانب سے جاری کئے گئے ویڈیو بیان میں کہا گیا ہے کہ "آج پارٹی کا وفد محمد الطاف بٹ اور ڈاکٹر مدثر گلُ کے اہل خانہ سے ملاقات کرنے گیا تھا۔ پارٹی کے وفد نے سوگور اہل خانہ کو تعزیت پیش کی۔"
ویڈیو بیان میں مزید کہا گیا ہے کہ "پارٹی نے تصادم آرائی کے پہلے دن سے ہی غیر جانبدارانہ تحقیقات اور جسد خاکی لوٹنے کی مانگ کی تھی۔ پارٹی کے وفد کے مطابق عام شہریوں کی ہلاکت کو کسی بھی طریقے سے جائز نہیں ٹھہرایا جا سکتا۔"بیان میں مزید کہا گیا ہے کہ "انتظامیہ کو ٹھوس اقدام اٹھانے چاہیے تاکہ انصاف ملے اور عوام کا اعتماد نظام پر برقارار رہے۔"
مزید پڑھیں:Hyderpora Encounter:'مجھے بیٹے کی جسد خاکی چاہیے'
ہم آپ کو بتادیں کہ گزشتہ پیر کی شام پولیس نے سرینگر کے حیدر پورہ علاقے میں ہوئے تصادم آرائی کے دوران چار افراد کو ہلاک کرنے کا دعوی کیا تھا۔ پولیس کے مطابق ہلاک شدہ افراد میں ایک غیر ملکی عسکریت پسند حیدر، اس کا ساتھی عمیر، عسکری معاون ڈاکٹر مدثر گلُ اور ایک مکان کا مالک محمد الطاف بٹ شامل ہیں۔ وہیں عامر، الطاف اور مدثر کے لواحقین نے پولیس کے دعووں کو بےبنیاد قرار دیتے ہوئے انصاف اور لاشوں کی مانگ کی تھی۔"
