ضلع پلوامہ کے ترال میں موجود مہشور نوناگ میں آج کشمیری پنڈتوں نے ایک خصوصی پوجا کا اہتمام کیا جس کےلیے انتظامیہ نے معقول انتظامات کئے تھے۔ پوجا کے دوران عالمی امن اور کورونا کے خاتمے کے لیے خصوصی دعائیں مانگی گئی۔
میڈیا سے بات کرتے ہوئے مندروں کے تحفظ کو برقرار رکھنے والی کمیٹی کے صدر چونی لال بھٹ نے بتایا کہ امرناتھ یاترا کے اختتام پزیر ہونے کے بعد قدیم روایات کے مطابق یہاں آخری پوجا ادا کی جاتی ہے اور آج اس پوجا میں محدود تعداد میں عقیدت مند شامل ہوئے اور کشمیر کے امن وامان کے لیے خصوصی دعاوں کا اہتمام کیا۔
یہ بھی پڑھیں:
ترال: معراج الدین، باغ مالکان کے لیے ایک مثال
کانگریس کے سینئر لیڈر سریندر سنگھ چنئی بھی اس موقع پر موجود تھے۔ انھوں نے بتایا کہ وہ چاہتے ہیں کہ پنڈتوں کی گھر واپسی ہو اور ایک بار پھر کشمیر میں آپسی بھائی چارے کی وہ فضا قائم ہو جس کے لیے یہ مشہور تھا۔
