رواں مہینے کی 24 تاریخ کو وزیر اعظم نریندر مودی کی صدارت میں دہلی میں ہونے والی آل پارٹی میٹنگ کے لیے گزشتہ روز مرکز کی جانب سے دعوت نامے بھیجے گئے ہیں۔
رکن پارلیمان اور جموں و کشمیر کے سابق وزیر اعلیٰ ڈاکٹر فاروق عبداللہ کا کہنا ہے کہ 'ہمیں ابھی تک بات چیت کے حوالے سے کوئی دعوت نامہ نہیں ملا ہے اور اگر ہمیں دعوت نامہ ملتا ہے تو ہم تمام ساتھیوں سے مشورہ کر کے اس ضمن میں فیصلہ لیں گے۔'
یہ بھی پڑھیں: جموں و کشمیر کے سیاسی رہنماؤں کے ساتھ میٹنگ کر سکتے ہیں وزیراعظم
وہیں پیپلز ڈیموکریٹک پارٹی کی صدر محبوبہ مفتی نے دعوت نامے کی تصدیق کرتے ہوئے کہا کہ 'فون کے ذریعے دعوت نامہ حاصل ہوا ہے۔ رواں مہینے کی 24 تاریخ کو میٹنگ ہے جس کی صدارت وزیر اعظم نریندر مودی کریں گے۔'
محبوبہ مفتی نے کہا کہ 'تاہم میں نے ابھی اس میٹنگ میں شرکت کرنے کے حوالے سے کوئی فیصلہ نہیں لیا ہے۔' اس تعلق سے پی ڈی پی آج شام میں انٹرنل میٹنگ کریں گی۔
