مرکزی داخلہ سیکریٹری نے تعمیراتی کاموں کا جائزہ لیا

داخلہ سیکریٹری نے اجلاس میں تعمیراتی کام و کاج پر اطمینان کا اظہار کرتے ہوئے کہا کہ 'طے شدہ وقت پر پروجیکٹ مکمل ہونا چاہئے۔ کیونکہ آنے والے دنوں میں محکمہ صحت کے اعلٰی افسران کا وفد 'ایمز ہسپتالوں' کی تعمیر کا جائزہ لینے کے لئے وادی کا دورہ کریں گے'۔

مرکزی داخلہ سکریٹری اجے کمار بھلا نے آج جموں و کشمیر کے اعلٰی افسران کے ساتھ پرائم منسٹر ڈیولپمنٹ پروجکٹ (PMDP) کے تحت تعمیراتی کاموں کا جائزہ لیا۔
اس اعلٰی سطحی اجلاس میں جموں وکشمیر کے چیف سیکرٹری ارون کمار مہتا کے علاوہ دیگر اعلٰی افسران موجود تھے۔

مرکزی داخلہ سیکریٹری نے تعمیراتی کاموں کا جائزہ لیا

اجلاس کے دوران چیف سیکریٹری نے بتایا کہ 'پی ایم ڈی پی' کے تحت 53 بڑی پروجکٹز میں سے بیس مکمل کر دیے گئے ہیں جبکہ 13 زیر تعمیر ہے۔ ان کا کہنا تھا کہ مزید پروجیکٹ مختلف اسٹیجز پر ہیں جو قریب وقت میں پایہ تکمیل تک پہنچ جائیں گے۔ جن بڑے تعمیراتی پروجیکٹز کا ذکر کیا گیا ہے ان میں مختلف شاہراہوں پر سرنگوں کی تعمیر، جموں و سرینگر شاہراہ، سرینگر۔اوڑی اور کشتواڑ۔سمتھن، سرینگر۔گمری، جموں۔پونچھ قابل ذکر ہیں۔ اجلاس کے دوران چیف سیکریٹری نے بتایا کہ '2022 اور 2023 تک ان تمام شاہراہوں کو مکمل کیا جائے گا۔ جموں اور اونتی پورہ میں ایمز ہسپتالوں کی تعمیر کے متعلق بتایا گیا کہ جموں میں ایمز کی تعمیر سنہ 2023 تک مکمل ہوجائے گی، جبکہ اونتی پورہ میں مزید 34 ہیکٹر اراضی کو تحویل میں لیا گیا ہے اور ستمبر 2021 میں کام شروع کیا جائے گا'۔

کشمیری مہاجر پنڈت ملازمین کے لئے عارضی رہائش گاہوں کی تعمیر کے متعلق اجلاس میں بتایا گیا کہ '2477 بیڈروم والے مکان کی تعمیر کو منظوری دی گئی اور 1400مزید مکانوں کو اگلے ماہ منظوری دی جائے گی۔ اس کے علاوہ پن بجلی پروجیکٹز کی تعمیر پر بھی اجلاس کو جانکاری دی گئی۔ داخلہ سیکریٹری نے اجلاس میں بروجکٹز کے کام و کاج پر اطمینان کا اظہار کرتے ہوئے کہا کہ طے شدہ وقت پر پروجکٹ کو مکمل کرنا چاہئے۔ انہوں مزید کہا کہ آنے والے دنوں میں محکمہ صحت کے اعلٰی افسران کا وفد ایمز ہسپتالوں کی تعمیر کا جائزہ لینے کے لئے وادی کا دورہ کریں گے'۔