مشیر برائے گورنر خورشید گنائی اور کشمیر کے صوبائی کمشنر بصیر خان نے سنیچر کو علی الصبح شہر خاص کے خواجہ بازار علاقے میں مزار شہداء نقشبند صاحبؒ پر سرکاری اعزاز کے ساتھ شہیدوں کو سلامی دی۔
اس موقعے پر ذرائع ابلاغ کے نمائندوں سے بات کرتے ہوئے خورشید گنائی کا کہنا تھا کہ ’’13جولائی 1931کے شہیدوں نے انسانی حقوق کی سربلندی، عوامی اور جمہوری نظام کے نفاذ کے لیے اپنی جانوں کا نذرانہ پیش کیا۔‘‘
گورنر کے مشیر کی مزار شہداء پر حاضری
انکا مزید کہنا تھا کہ ’’آج کے دن ہمیں ریاست کی خوشحالی، ترقی اور امن کے لیے ایک جُٹ اور مل کر کام کرنے کا عہد کرنا چاہیے۔‘‘
قابل ذکر ہے کہ علیحدگی پسندوں کی جانب سے دی گئی ہڑتال کی کال کے پیش نظر پائین شہر میں امتناعی احکامات نافذ کیے گئے ہیں۔ وہیں 13جولائی کو ہر سال عمومی تعطیل کے پیش نظر تمام سرکاری دفتار اور تعلیمی ادارے بند رہتے ہیں۔
