سرینگر پولیس کی جانب سے جاری کیے گئے ایک بیان میں کہا گیا ہے کہ 14 جنوری کو پولیس اسٹیشن زکورہ کو دنہامہ کے ایک شخص ( نام مخفی) کی طرف سے ایک تحریری شکایت موصول ہوئی تھی۔
مذکورہ شخص کے مطابق ان کی 20 سالہ بہن (نام مخفی) کچھ گھریلو سامان خریدنے کے لیے بازار گئی تھی لیکن وہ واپس نہیں لوٹی۔
اس سلسلے میں پولیس اسٹیشن زکورہ نے لڑکی کی باضابطہ گمشدگی ایف آئی آر رپورٹ زیر نمبر 09/22 کے تحت مقدمہ درج کر کے لڑکی کو ڈھونڈ نکالنے کی چھان بین شروع کر دی۔
تفتیش کے دوران پولیس کی سر توڑ کوششوں، تیکنیکی اور جسمانی شواہد کی بنا پر پولیس کو یہ معلوم ہوا کہ لاپتہ لڑکی کو راولپورہ سرینگر کے رہنے والے محمد ساحل کمار ولد عبد المجید کمار نے اغوا کیا ہے۔
یہ بھی پڑھیں:Minor Girl Rescued by Pulwama Police: پولیس نے نابالغ لڑکی کو والد کے چنگل سے آزاد کرایا
پولیس نے کارروائی کرتے ہوئے اغوا کی گئی لڑکی کو ملزم کے قبضے سے بازیاب کیا اور اغوا کار محمد ساحل کو گرفتار کیا۔ پولیس نے تمام قانونی لوازمات پورا کر کے اغوا شدہ لڑکی کو اس کے گھر والوں کے حوالے کردیا۔
