شملہ کے بالائی علاقوں میں گذشتہ رات سے مسلسل برف باری جاری ہے جس کی وجہ سے کھڑکی، کھڑاپتھر اور نارکنڈا کی سڑکیں بند ہوگئی ہیں۔
اس کے علاوہ کفری اور مسوبرا میں ہلکی برف باری ہوئی ہے جس کی وجہ سے سڑکیں تو کھلی ہیں لیکن پھسلن برقرار ہے۔ انتظامیہ کی جانب سے نارکنڈہ اور کھڈاپتھر میں سڑکیں کھولنے کے لیے مشینری قائم کی گئی ہے جس کے بعد گاڑیوں کی نقل و حرکت شروع ہوسکتی ہے۔
محکمہ موسمیات کی جانب سے آج کے لیے اورنج الرٹ جاری کردیا گیا ہے، صبح سے ہی دارالحکومت میں ہلکے بادل چھائے ہوئے ہیں اور آج بھی بارش اور برف باری ہوسکتی ہے۔ رات کے وقت ہونے والی بارش اور برف باری کی وجہ سے درجہ حرارت میں گراوٹ درج کی گئی ہے۔
محکمہ موسمیات کے ڈائریکٹر منموہن سنگھ نے بتایا کہ گذشتہ رات ریاست کے کئی حصوں میں بارش اور برف باری ہوئی جس کی وجہ سے درجہ حرارت میں بھی کافی کمی آئی ہے۔
انہوں نے کہا کہ بالائی علاقوں کے متعدد حصوں میں تیز بارش اور ژالہ باری کے ساتھ برف باری کا امکان ہے۔
