اس موقع پر انہوں نے لوگوں سے اپیل کی کہ کورونا جیسی مہلک وبا سے اپنے آپ کو بچانے کے لئے ممکنہ طریقوں کو استعمال کیا جائے اور محکمہ صحت کی گائیڈ لائن پر بدستور عمل کیا جائے۔
اس موقع پر انہوں نے کہا کہ' اس مہلک وبا سے بچانے کے لئے ملک کی عوام کو متحد ہوکر لڑنا ہوگا۔ انہوں نے بتایا کہ سرکاری طور پر انہیں کووڈ-19سے اپنے آپ کو محفوظ رکھنے کے لئے ویکسین لینے کے لئے کہا گیا تھا ،اس لئے انہوں نے از خود سرکاری ہسپتال پہنچ کر ٹیکہ لگوایا ہے۔
انہوں نے کہا کہ' مذکورہ ویکسین سے متعلق بہت ساری افواہیں پھیلائی جارہی ہیں، لیکن ابھی تک کوئی ایسی بات سامنے نہیں آسکی ہے کہ جس کے سبب کورونا ویکسین ٹیکہ لگوانے میں کوئی قباحت ہو۔
انہوں نے کہا کہ' اس ویکسین کو لگوانا نہ لگوانا ہر ایک شخص کا اپنا ذاتی فیصلہ ہے، لیکن ہم عوام سے یہی اپیل کرتے ہیں کہ کورونا جیسی مہلک وبا سے بچاﺅ کے لئے ہر ممکنہ طریقے اپنائے جائیں اور ماسک لگانے کے ساتھ ساتھ سماجی دوری کا ضروری خیال رکھا جائے، تاکہ اس مہلک وبا کو ختم کیا جاسکے۔
اس کے علاوہ پیر کے دن دیوبند کے ایس ڈی ایم راکیش کمار سنگھ، بی جے پی کے میڈیکل سیل کے ضلع کنوینر ڈاکٹر سکھ پال سنگھ نے بھی سرکاری ہسپتال پہنچ کر ویکسین کی پہلی خوراک لی اور علاقہ کے تمام معمر افراد سے اپیل کی کہ وہ بھی اس ٹیکہ کاری مہم میں شامل ہوں۔
