سہارنپور کے ایس پی ودیا ساگر مشرا نے بتایا کہ سہارنپور میں معمولی بات کو لے کر دو فریقوں میں جھگڑا ہوگیا، دیکھتے ہی دیکھتے جھگڑا اتنا بڑھ گیا کہ ایک فریق نے دوسرے فریق پر پتھر برسانے شروع کر دیے جس میں تقریبا آدھے درجن سے زیادہ لوگ زخمی ہوگئے۔
بتا دیں کہ معاملہ یو پی صوبے کے ضلع سہارنپور کے قصبہ گنگوہ کے محلہ قریشیان کا ہے جہاں پر ایک ہی مذہب کے دو فریقوں میں معمولی بات کو لے کر پہلے تو جم کر کہا سنی ہوئی دیکھتے ہی دیکھتے کہا سنی جھگڑے میں تبدیل ہوگئی۔
جس میں ایک فریق نے اپنی چھت پر چڑھ کر دوسرے فریق کے لوگوں پر اینٹ پتھر برسانا شروع کر دیا، ساتھ ہی اینٹ پتھر کے ساتھ ساتھ فائرنگ کرنے کا معاملہ بھی سامنے آرہا ہے۔
موقع پر پہنچی پولیس نے تفتیش شروع کر دی ہے۔ اس جھگڑے میں تقریبا آدھے درجن سے زیادہ لوگ زخمی ہوگئے ہیں۔ ایس پی دیہات ودیاساگر مشرا نے بتایا کہ سہارنپور کے گنگوہ میں دو فریقوں میں مار پیٹ ہوئی ہے پولیس تفتیش کر رہی ہے تفتیش کے بعد آگے کی کاروائی کی جائے گی گی۔
