سہارنپور ضلع میں محکمہ ڈاک نے گنگا جل کی طرح اب سینیٹائزر کی فروختگی بھی شروع کردی ہے۔ اسلسلے میں محکمہ ڈاک کا کہنا ہے کہ' اگر کسی بھی شخص کو سینیٹائزر کی ضرورت ہوتی ہے تو وہ سہارنپور ضلع کے کسی بھی ڈاک خانہ سے اسے حاصل کرسکتے ہیں۔'
محکمہ ڈاک کی جانب سے فروخت کیے جانے والے سینیٹائزر میں کٹیگری کا خاص خیال رکھا گیا ہے۔ یہ سینیٹائزر حکومت کی جانب سے متعینہ قیمتوں پر بھی دستیاب ہوگا۔
گنگا جل کی فروختگی کے بعد محکمہ ڈاک نے پہلی مرتبہ ایسی سہولیات مہیا کرائی ہے۔ کورونا کے اس دور میں سبھی کے لیے سینیٹائزر اور ماسک کا استعمال حکومت کی جانب سے ضروری قرار دیا گیا ہے۔ اسی کے پیش نظر محکمہ ڈاک نے سینیٹائزر کی فروختگی شروع کی ہے۔ اس سے قبل محکمہ ڈاک کی جانب سے گنگا جل فروختگی کی جارہی تھی۔
اب کرونا وائرس کے سبب سینیٹائزر کے بڑھتے ہوئے مطالبے کو دیکھتے ہوئے محکمہ ڈاک نے یہ اہم قدم اٹھایا ہے۔ 100 ملی لیٹر کی قیمت 30 روپے 500 ملی لیٹر کی قیمت 50 روپے اور ایک لیٹر کی قیمت 250 روپے رکھی گئی ہے۔
