ساس پر تین بہوؤں کو پیٹنے کا الزام

ایس پی سہارنپور ڈاکٹر ایس چینپا نے بتایا کہ تحریر موصول ہو گئی ہے۔ جانچ کی جا رہی ہے۔ جانچ کے بعد کارروائی کی جائے گی۔

اتر پردیش کے ضلع سہارنپور میں ایک ایسا معاملہ روشنی میں آیا ہے، جس کو سن کر سبھی لوگ حیرت زدہ رہ گئے۔ یہ معاملہ جہیز سے متعلق ہے۔ بہوؤں کا الزام ہے کہ ساس نے جہیز کم لانے پر ان پر ظلم کر رکھا ہے۔ تینوں بہو آج ایس ایس پی دفتر پہنچی اور آپ بیتی سناتے ہوئے انصاف کا مطالبہ کیا۔

انہوں نے کہا کہ ان کی ساس ان سے اضافی جہیز کے لئے دباؤ بناتی ہے۔ انہوں نے الزام لگایا کہ ان کی ساس اور ان کے شوہر ان کے ساتھ اکثر مار پیٹ کرتے ہیں۔

انہوں نے کہا کہ کافی وقت سے وہ اس معاملے کو نظر انداز کرتی رہیں مگر ان کا ظلم بڑھتا گیا۔ اس لئے مجبورا انہیں انصاف کے لیے ایس ایس پی کے دفتر آنا پڑا۔ انہوں نے کہا کہ ایس ایس پی سہارنپور نے انہیں یقین دہانی کرائی ہے کہ ان کو انصاف دلایا جائے گا۔

اس سلسلے میں ایس ایس پی سہارنپور ڈاکٹر ایس چینپا نے بتایا کہ تحریر موصول ہو گئی ہے۔ جانچ کی جا رہی ہے۔ جانچ کے بعد کارروائی کی جائے گی۔