عصمت دری کے چار ملزمان چھ ماہ بعد گرفتار

اترپردیش کے ضلع سہارنپور کے ناگل علاقے میں چھ ماہ پرانے عصمت دری کے معاملے میں پولیس نے چار ملزموں کوگرفتار کرلیا ہے۔

پولس سپرنٹنڈنٹ اشوک مینا نے بتایا کہ ملزم نوجوان دیپک نے نانوتہ تھانہ کے ٹکراول گاؤں کی رہنے والی لڑکی کو چار ماہ قبل بہلا پھسلا کر نانوتہ لے گیا، جہاں اس نے ایک مکان میں اپنے تین دیگر ساتھیوں کے ساتھ اس کی عصمت دری کی تھی۔

متاثرہ لڑکی کے اہل خانہ نے بتایا کہ ناگل تھانہ پولس نے اس معاملے میں رپورٹ درج نہیں کی تھی۔ انہیں عدالت جانے پر مجبور ہونا پڑا۔

عدالت کے حکم پر 16 ستمبر کو پولس نے ملزمان کے خلاف آئی پی سی کی دفعہ 363 اور 366 اور پاکسو ایکٹ کی دفعہ 3/4 کے تحت رپورٹ درج کی تھی۔ پولس نے دیپک اور اس کے تین دیگر ساتھیوں کو آج علی الصباح گرفتار کرکے انہیں جیل بھیج دیا۔