رام گڑھ: مزدوروں سے بھری بس حادثے کا شکار، ایک ہلاک 17زخمی

ریاست جھارکھنڈ کے ضلع  رام گڑھ میں تارکین وطن مزوروں سے بھری ایک بس حادثے کا شکار ہوئی جس میں ایک مزدور کی موت واقع ہوئی جبکہ 17 زخمی ہو گئے۔

ریاست جھارکھنڈ میں رام گڑھ ضلع کے رج رپا تھانہ علاقہ میں پیر کو تارکین وطن مزدوروں کو لیکر جا رہی ایک بس کے پلٹ جانے سے ایک مزدور کی موت ہوگئی اور 17 دیگر زخمی ہو گئے۔

پولیس ذرائع نے بتایاکہ رج رپا تھانہ علاقہ کے گولا - چارو شاہراہ پر تارکین وطن مزدوروں کو لیکر گجرات سے بنگال جا رہی ایک بس حادثے کا شکار ہو گئی۔ بس کا ایک ٹائر اچانک پھٹ گیا جس سے گاڑی بے قابو ہو کر پلٹ گئی۔ اس حادثے میں بس میں سوار ایک مزدور کی موقعے پر ہی موت واقع ہوگئی اور 17 دیگر زخمی ہوگئے۔

واقعے کی اطلاع ملنے کے بعد موقع پر پہنچی پولیس نے گاؤں والوں کی مدد سے حادثہ زدہ بس سے زخمیوں کو باہر نکال کر علاج کیلئے کمیونیٹی ہیلتھ مرکز گولا پہچایا۔ وہیں شدید طور سے زخمی مزدوروں کو راجندر انسٹی چیوٹی آف میڈیکل سائنس (ریمس) رانچی بھیجا گیا ہے۔

متوفی مزدور کی شناخت مغربی بنگال کے باشندہ 25 سالہ چنچل کمار کے طور پر کی گئی ہے۔