جموں سرینگر قومی شاہراہ پر رامبن کے نزدیک ایک سڑک حادثے میں دو افراد سمیت آٹھ مویشی ہلاک ہو گئے۔
پولیس ذرائع کے مطابق مال بردار ٹاٹا موبائل گاڑی زیر نمبر JK14E-4286 آج صبح جموں سے سرینگر کی طرف جارہی تھی کہ رامبن کے نزریک ڈگڈول کے موڑ پر گاڑی شاہراہ سے پھسل کر قریب 300 میٹر گہرے نالے میں جاگری جس کے نتیجہ میں دو افراد سمیت 8 مویشی موقع پر ہلاک ہو گئے۔
پولیس اور مقامی رضاکاروں نے بچاؤ مہم شروع کر کے دو لاشیں برآمد کر کے ضلع ہسپتال رامبن منتقل کیا جہاں ان کے قانونی لوازمات پورے کئے گئے۔
ہلاک ہوئے افراد کی شناخت ارشاد احمد (30) ولد محمد شفیع ساکنہ احمو ویری ناگ (انت ناگ) اور منظور احمد (24) ولد جمال الدین ساکنہ بلی نالہ ادھمپور کے طور پر ہوئی ہے۔
پولیس نے قانونی لوازمات پورے کرنے کے بعد لاشیں ورثا کے حوالے کر دی۔
اس سلسلے میں تھانہ پولیس رامبن نے زیر دفعات 279/337/304-A کے تحت معاملہ درج کر کے تحقیقات شروع کر دی ہے۔
