رام بن، سڑک حادثے میں تین افراد زخمی

ریاست جموں کشمیر کے ضلع رامبن میں ایک سڑک حادثے میں تین افراد زخمی ہو گئے جن میں سے دو کی حالت نازک بتائی جا رہی ہے۔

پولیس ذرائع کے مطابق رام بن میں میتراہ کے مقام پر ایک گاڑی اور موٹرسائیکل کے مابین ٹکر کے نتیجے میں دو موٹر سائیکل سوار سمیت تین افراد زخمی ہو گئے۔

مقامی رضاکاروں اور پولیس نے زخمیوں کو ضلع ہسپتال رامبن منتقل کیا جہاں ڈاکٹروں نے ابتدائی طبی امداد کے بعد خصوصی علاج کے لئے دو شدید زخمیوں کو گورنمنٹ میڈیکل کالج و ہسپتال جموں ریفر کردیا۔

عینی شاہدین کے مطابق یہ حادثہ تیز رفتاری کے باعث پیش آیا۔

اس ضمن میں رامبن پولیس نے معاملہ درج کر کے مزید کارروائی شروع کردی ہے۔