جموں سرینگر قومی شاہراہ پر پیش آئے سڑک حادثہ Road Accident on Jammu Srinagar National Highway میں ہوئے ہلاک اور زخمی افراد کی شناخت ہو گئی ہے۔ میڈیکل سپرنٹنڈنٹ Medical Superintendent District Hospital Ramban ضلع ہسپتال رامبن ڈاکٹر عبدالحمید زرگر نے اس تعلق سے بتایا کہ دوپہر کے وقت رامبن کے نزدیک جسوال پل پر ایک کار JK01AB4050 جموں سے وادیٔ کشمیر کی جانب جارہی تھی، کہ اچانک پہاڑی سے ایک تودہ کھسک کر نیچے آگرا جس کی زد میں کار آگئی۔ جس میں سوار ایک شخص ہلاک اور دیگر افراد زخمی ہوئے ہیں۔
پولیس نے بچاؤ مہم شروع کر کے موقع پر ہلاک افراد اور زخمیوں کو ضلع ہسپتال رامبن منتقل کیا۔
- مزید پڑھیں: Banihal Qazigund Tunnel Accident: قاضی گنڈ بانہال ٹنل کے اندر بس حادثہ، ایک شخص ہلاک کئی مسافر زخمی
انہوں نے کہا کہ 'شدید زخمی ہوئے نثار احمد ساکن سرینگر کو ابتدائی علاج کے بعد سورہ میڈیکل کالج و ہسپتال ریفر کردیا گیا ہے، جب کہ ہلاک شخص جن کی شناخت عادل بشیر ولد بشیر احمد ساکن بہمنہ سرینگر کے طور پر ہوئی تھی، انہیں پوسٹ مارٹم کے بعد سرینگر روانہ کردیا گیا۔
