بانہال: بلاک میڈیکل آفیسر نے لوگوں سے گھروں میں رہنے کی اپیل کی

ملک میں کورونا وائرس کی دوسری لہر خطرناک شکل اختیار کر چکی ہے۔ کورونا کے مثبت کیسز میں تیزی سے اضافہ ہو رہا ہے۔ اس کے مدنظر بانہال میں آج بلاک میڈیکل آفیسر ڈاکٹر رابیہ خان نے لوگوں سے گھروں میں رہنے کی اپیل کی، جس سے وبا سے محفوظ رہ سکیں۔

بلاک میڈیکل آفیسر ڈاکٹر رابیہ خان نے پریس کانفرنس کر کے اپیل کی کہ اس مہلک وبا سے بچنے کا واحد راستہ ہے کہ گھروں میں ہی رہیں۔'

انہوں نے مزید کہا کہ انتظامیہ کو بھی مزید سخت اقدامات کرنے ہوں گے تاکہ لوگ اپنے گھروں میں ہی رہیں۔

ساتھ ہی انہوں نے کہا کہ بھیڑ بھاڑ والے علاقے کو کچھ دن کے لیے بند کر دینا چاہیے، کیونکہ کورونا کی چین کا ٹوٹنا ضروری ہے۔