رامبن: جموں وکشمیر کے ضلع رامبن میں ایک سڑک حادثہ میں چار افراد زخمی ہوگئے۔ زخمیوں کو نزدیکی ہسپتال منتقل کیا گیا۔ پولیس ذرائع کے مطابق بٹوٹ پٹنی ٹاپ شاہراہ پر کار زیر نمبر JK06 -7361 اور وین نمبر Jk19-7026 کے درمیان زوردار ٹکر ہوئی۔ حادثہ میں چار افراد زخمی ہو گئے۔ زخمیوں کو پولیس نے شیر کشمیر ایمرجینسی ہسپتال بٹوٹ علاج کے لیے منتقل کیا جہاں زخمیوں کا علاج جاری ہے۔ Road Accident in Ramabn
مزید پڑھیں:
زخمیوں کی شناخت 17 سالہ مدثر حسین ولد عاشق حسین، 18 سالہ محمد ریاض ولد محمد شفیع ساکنان ڈھلواس چندر کورٹ، 52 سالہ عاشق حسین ولد غلام حسین اور 44 سالہ روبینہ بیگم زوجہ عاشق حسین ساکنان بھدرواہ کے طور پر ہوئی۔ پولیس بٹوٹ تھانہ نے اس سلسلے میں معاملہ درج کر کے تحقیقات شروع کر دی ہے۔
