جموں و کشمیر کے ضلع رامبن میں انڈین نیشنل کانگریس کی کمیٹی District Committee of INC at Ramban کی جانب سے پریس کانفرنس کا انعقاد کیا، جس میں ضلع کمیٹی کے عہداروں کے علاوہ سابق ممبر اسمبلی اور ضلع ترقیاتی کونسلر نے شرکت کی۔
پریس کانفرنس میں حدبندی کمیشن کے دوسرے مسودے پر سخت ناراضگی کا اظہار کیا گیا اور کانگریس کمیٹی رامبن کے ضلع صدر فاروق کٹوچ نے حد بندی کمیشن کے ڈرافٹ کی مزمت کرتے ہوئے اسے ناقابل قبول قرار دیا۔
انہوں نے کہا کہ موجودہ حکومت اقتدار میں آنے کے لیے جموں و کشمیر اور خاص کر ضلع رامبن کو مذہب کی بنیاد پر تقسیم کرنا چاہتی ہے۔
یہ بھی پڑھیں: Mehbooba Mufti On Delimitation Draft: 'کمیشن کی دوسری رپورٹ اکثریتی آبادی کو بے اختیار بنانے کا منصوبہ'
انہوں نے ضلع افسران کو بھی سخت تنقید کا نشانہ بناتے ہوئے کہا کہ ضلع رامبن میں بی جے پی کے لیے کام کر رہے ہیں، رامبن اور بانہال کے درمیان علاقوں کو مذہب کی بنیاد پر تقسیم کرنے کی کوشش کی گئی ہے جو ناقابل قبول ہے۔
انہوں نے تمام سیاسی جماعتوں سے خاص کر نیشنل کانفرنس کے چیئرپرسن ڈاکٹر شمشاد شان اور ڈی ڈی سی بشیر احمد رونیال سے اپیل کی کہ وہ ایک پلیٹ فارم پر آئے اور ضلع رامبن کے ساتھ ہو رہی ناانصافی کو لیکر احتجاج کریں۔
