کانگریس کے ترجمان گوپال تیواری نے ایک بیان میں کہا کہ یہ وقت کی ضرورت ہے کہ عالمگیر بھائی چارے کے نظریے کی بنیاد پر تعلیمی پالیسی کو آگے بڑھایا جائے جو سائنسی اقدار پر مبنی ہے اور یہ ذات اور نسل پر مبنی ایک رجعت پسندانہ پالیسی کی طرح نہیں ہے۔ انہوں نے کہا کہ ریاستی قانون ساز کونسل میں آئین اور ترقی پسندانہ پالیسیوں کے لیے پرعزم امیدواروں کا انتخاب کرنے کی ضرورت ہے۔
مسٹر تیواری نے الزام لگایا کہ بھارتیہ جنتا پارٹی رجعت پسندانہ پالیسیوں کی حمایت کرتی ہے جو ملک کو 16 ویں صدی کے سیاہ دور میں واپس پھینک دے گی۔ انہوں نے دعوی کیا کہ راشٹریہ سویم سیوک سنگھ (آر ایس ایس) کے سربراہ موہن بھاگوت کے اجودھیا میں تقریر اور نئی تعلیمی پالیسی کے ایک ہی سر ہیں۔
کانگریس لیڈر نے ذکر کیا کہ آزادی کے بعد تعلیمی پالیسیوں کے سبب غیر ممالک میں لاکھوں نوجوانوں نے بھارت کانام روشن کیا ہے۔
مسٹر تیواری نے الزام لگایا کہ بی جے پی ان پالیسیوں کو ناکام بنانے اور ذات، مذہب ونسلوں کی بنیاد پر ایک رجعت پسندانہ تعلیمی ماڈل نافذ کرنے اور متمول طبقے کے مفادات کی حفاظت کرنے کی کوشش کر رہی ہے۔
مہاراشٹر قانون ساز قونسل کےانتخابات کے لیے سیاسی گہماگہمی تیز ہوگئی ہے۔ پانچ سیٹوں کے لیے انتخابات یکم دسمبر کو ہوں گے۔ کونسل کی پانچ سیٹیں 19 جولائی سے ہی خالی ہیں۔
