لڑکی سے چھیڑچھاڑ پر لڑکے کی پٹائی

ریاست بہار کے ضلع کیمور میں ایک ویڈیو وائرل ہو رہا ہے جس میں ایک لڑکے کے بال اتارے جا رہے ہیں اور کھمبے سے باندھ کر اس کی سخت پٹائی کی جا رہی ہے۔ واٸرل ویڈیو کی جب جانچ کی گٸ تو پتہ چلاکہ یہ ویڈیو موہنیاں تھانہ کے بگھنی موضع کیا ہے۔

لڑکی سے چھیڑ چھاڑ کے الزام میں نوجوان کو کھمبے سے باندھ کر گاٶں والوں نے پہلے جم کر پیٹا پھر اس کے سر کے بال مونڈ کر اس کا ویڈیو بنایا جس کے بعد سوشل میڈیا پر واٸرل کر دیا گیا۔

اطلاع کے مطابق یہ واٸرل ویڈیو 10 فروری کا ہے۔ لڑکے پر گاٶں والوں نے الزام عائد کیا کہ جب لڑکی ہینڈ پاٸپ پر پانی لینے گٸ تو وہ شخص لڑکی کے ساتھ چھیڑ چھاڑ کر رہا تھا۔ کیمور ایس پی دلنواز احمد نے بتایا کہ 'لڑکا، لڑکی آپس میں محبت کرتے تھے۔ لڑکا پہلے بھی لڑکی کو لے کر بھاگا تھا جس کی وجہ سے وہ جیل بھی جا چکا ہے۔'

انہوں نے کہا کہ 'پورے معاملہ کی جانچ ہو رہی جلد کارروائی بھی ہوگی۔'