مغربی چمپارن : سڑک حادثے میں دو کی موت

ٹولہ گاؤں کے باشندہ سروج میاں اور سعید میاں کل دیر شام اپنے رشتے دار کو ان کے گاؤں چھوڑ کر واپس آرہے تھے کہ اسی دوران یہ دونوں حادثہ کا شکار ہوگئے اور ان کی موت ہوگئی۔

ریاست بہار کے ضلع مغربی چمپارن کے لوریا تھانہ علاقہ میں موٹر سائیکل اور بولیرو کی ٹکر میں دو افراد کی موت ہوگئی۔

پولیس کے مطابق ٹولہ گاؤں کے رہنے والے سروج میاں اور سعید میاں گزشتہ دیر شام اپنے رشتے دار کو ان کے گاؤں چھوڑ کر واپس آرہے تھے، تبھی پرسونی گاؤں کے نزدیک قومی شاہراہ نمبر 727 پر بولیرو نے موٹر سائیکل کو ٹکر مار دی۔

اس حادثہ میں موٹر سائیکل پر سوار دونوں نوجوان بری طرح زخمی ہوگئے، ذرائع کے مطابق زخمیوں کا اسپتال لے جاتے وقت راستے میں ہی انتقال ہو گیا،جس کے بعد لاش کو پوسٹ مارٹم کے لئے بھیج دیا گیا ہے۔