مرکزی وزارت داخلہ کے جوائنٹ سکریٹری آر کے سنگھ کی قیادت میں چھ رکنی ٹیم نے بیگو سرائے، کھگڑیا، بھاگلپور اضلاع میں سیلاب سے ہوئے نقصانات کا ہوائی سروے کے ذریعہ جائزہ لیا۔ اس کے بعد ٹیم نے بھاگلپور ضلع کے سیلاب متاثرہ اسماعیل پور، نوگچھیا اور سبور کے مقامات کا معائنہ کرنے کے دوران مقامی افسران اور متاثرہ افراد سے بات چیت کی۔
اس کے بعد ٹیم کے اراکین نے مقامی ضلع کلکٹریٹ میں متعلقہ اضلاع کے اعلیٰ افسران کے ساتھ جائزہ میٹنگ کرتے ہوئے سیلاب سے ہوئے جان و مال کے نقصان اور امدادی کاموں پر اہم گفتگو کی۔ اس دوران بھاگلپور اور مونگیر کے کمشنر پریم سنگھ مینا نے بیگو سرائے، کھگڑیا اور بھاگلپور اضلاع کی جغرافیائی صورتحال سے آگاہ کراتے ہوئے ان اضلاع کے زیادہ تر بلاکوں میں سیلاب سے ہوئے نقصان اور راحت کاموں کی مکمل جانکاری دی۔
مزید پڑھین: گیا قبرستان سے ویکسینیشن مہم کو ملی کامیابی
وہیں ان اضلاع کے آفات مینجمنٹ محکمہ کی جانب سے سیلاب سے ہوئے نقصانات سے متعلق ایک جامع پرزنٹیشن بھی دکھایا گیا ۔ اجلاس میں تینوں اضلاع کے ضلع مجسٹریٹ سمیت مختلف محکموں کے افسران موجود تھے۔
یو این آئی
