ارریہ: شہر کے چاندنی چوک پر وزیر اعظم نریندر مودی کا پتلا بھی نذر آتش کیا گیا۔ اس سے قبل بھاکپا مالے کے سریش چودھری نے کارکنان سے خطاب کرتے ہوئے کہا کہ جب سے مودی حکومت اقتدار میں آئی ہے تب سے کسانوں کا زبردست استحصال ہو رہا ہے۔ زراعت بل کی شکل میں یہ کالا قانون زبردستی کسانوں پر نافذ کیا گیا ہے، جس سے ظاہر ہوتا ہے کہ حکومت کو کسانوں کے مسائل سے کوئی دلچسپی نہیں ہے. اور اس بل کے پاس ہونے پر یہ واضح ہو گیا کہ مودی حکومت کسانوں سے زیادہ سرمایہ داروں سے دلچسپی ہے۔ اس بل کے ذریعہ مرکزی حکومت نے کسانوں کی کمر توڑنے کی کوشش کی گئی ہے.
کسان ساوتری دیوی نے کہا کہ یہ بل پوری طرح سے کسان مخالف بل ہے جسے مرکزی حکومت فوراً واپس لے، ورنہ پورے ملک میں ہم کسان تحریک چلائیں گے. ساوتری دیوی نے کہا کہ وزیر اعلیٰ نتیش کمار کہتے ہیں کہ ہم کسان کے محافظ ہیں مگر وہ غلط بیانی کرتے ہیں، اگر وہ ہمارے محافظ ہوتے تو اس بل کی مخالفت میں ہمارے ساتھ ہوتے. بہار میں سرکاری افسر شاہی شباب پر ہے، ہر جگہ بدعنوان افسر تعینات ہے. اس موقع پر کئی لوگوں نے بھی خطاب کیا. وہیں دوسری جانب راجد نے بھی زبردست احتجاج کیا۔
