اس جنگ میں بطور اہم کھلاڑی جنتا دل یونائٹیڈ (جے ڈی یو) اور راسٹریہ جنتا دل ( آر جے ڈی ڈی) ہیں۔
یہ پوسٹر وار ریاست میں آئندہ اسمبلی انتخابات کے پیش نظر جاری ہے۔ اس سیاسی پوسٹر وار میں کانگریس نے شامل ہو کر سیاست میں شدت پیدا کر دی ہے۔
کانگریس نے اپنے پوسٹر میں ریزرویشن کا کارڈ کھیلا ہے۔ اس تعلق سے آر جے ڈی کے ریاستی صدر جگدہ نند سنگھ نے اپنا ردعمل ظاہر کرتے ہوئے ای ٹی وی بھارت سے خصوصی ملاقات میں کہا کہ 'لوگوں کو کیا بتایا جا رہا ہے یہ بتانے والے پر منحصر نہیں ہے۔ جاننے والا جانتا ہے کہ کیا ہو رہا ہے۔ اگر کوئی اپنا چہرہ سجا کر عوام کے سامنے چھپانا چاہتا ہے۔ عوام اس سے پوری طرح واقف ہے کہ وہ کیسا ہے'۔
انہوں نے کہا کہ 'یہ عوامی حمایت کی بےعزتی کرنے والے لوگ ہیں۔ عوامی حمایت بہار میں اس لیے ملی تھی کہ فرقہ پرست طاقتوں کو اس ریاست میں کرسی نہیں ملنی چاہیے تھی۔ کیوں کہ جو سماج کو مذہب اور ذات کی بنیاد پر تقسیم کرتا ہے وہ کبھی بھی لوگوں کے اندر اعتماد اور قوت پیدا ہی نہیں کر سکتا کیوں کہ بدامنی کا ماحول سب کو پہچان کرتا ہے'۔
انہوں نے کہا کہ 'یہ جو چاہے پوسٹر لگا دیں لیکن عوام کے دل میں انہوں نے جو چوٹ پیدا کیا ہے وہ ان کے پوسٹر سے مٹنے والا نہیں ہے اب ان کے جانے کی باری ہے'۔
