ریاست بہار کے دارلحکومت پٹنہ سے متصل شہر مسوڑھی کے منیچک سوریا مندر تالاب گھاٹ پر متعدد سماجی تنظیم کی جانب سے صفائی مہم چلائی جارہی ہے۔ ایک طرف جہاں انتظامیہ کی جانب سے متعدد قسم کی تیاریاں کی جارہی ہیں۔ وہیں اس موقع پر بہت ساری سماجی تنظیمیں بھی صفائی ستھرائی مہم میں مصروف ہیں۔
چھٹھ پوجا کے موقع پر بھارت کی گنگا جمنی تہذیب کی ایک انوکھی مثال دیکھنے کو مل رہی ہے، اس موقع پر مسلم برادری نے فرقہ وارانہ اتحاد کی مثال قائم کی اور گھاٹ پہنچ کر صفائی مہم میں شامل ہوئے۔ وہیں مندر کمیٹی کے ممبران بھی ان کے ساتھ شانہ بشانہ صفائی میں مصروف ہیں۔
آپ کو بتادیں کہ چھٹھ پوجا کےموقع پر پرانی مسجد کمیٹی کے ممبران کی جانب سے گھاٹ کی صفائی کا معاملہ یہ کوئی نیا نہیں ہے بلکہ ہر برس کمیٹی کے کارکنان مل جل کر اس گھاٹ کی صاف صفائی کرتے ہیں۔
پٹنہ ضلع کے ایک چھوٹے سے قصبہ مسوڑھی کی پرانی مسجد کمیٹی کے ممبروں کا کہنا ہے کہ' ہر برس چھٹھ پوجا کے موقع پر ہم لوگ اس گھاٹ پر پہنچ کر صاف صفائی کرتے ہیں اور یہ ہندو مسلم اتحاد کی علامت ہے، سوریہ مندر کمیٹی کے صدر ششی بھوشن کمار نے کہا کہ ہم سب ایک ہیں، خواہ وہ تہوار دسہرہ، دیوالی ہو یا محرم عید، ہم سب اکٹھے مناتے ہیں اور ہم سب لوگ اس چھٹ تہوار پر بھی مل جل کر کام کر ہرے ہیں۔
مزید پڑھیں:
نتیش کمار کو انوکھے انداز میں مبارکباد
کورونا وبا کے پیش نظر انہوں نے تمام عقیدتمندوں سے یہ بھی اپیل کی کہ گھاٹ کے بجائے اپنے گھروں میں پوجا کریں گھاٹ پر بھیڑ سے بچیں۔ کیوں کہ ابھی کورونا ختم نہیں ہوا ہے۔
