بہار اسمبلی انتخابات 2020 کی سبھی 243 سیٹوں کے نتائج بدھ کی علی الصباح چار بجے کے بعد اعلان کردیے گئے۔ اس الیکشن میں قومی جمہوری اتحاد(این ڈی اے) کو واضح اکثریت مل چکا ہے۔
سب سے آخر میں ایک سیٹ کا نتائج اعلان ہوا۔ جس پر جنتا دل یونائٹیڈ (جے ڈی یو) نے جیت حاصل کی۔
این ڈی اے کو 125 اور عظیم اتحاد کو 110 سیٹوں جیت ملی ہے۔ این ڈی اے نے 125 سیٹیں جیت کر اکثریت کا جادوئی نمبر کے پار اعداد حاصل کرلیا۔
تیجسوی یادو کی آر جے ڈی 75 سیٹوں کے ساتھ سب سے بڑی پارٹی بن گئی ہے۔ بی جے پی 74 سیٹوں کے ساتھ دوسری سب سے بڑی پارٹی بنی ہے۔
الیکشن کمیشن سے ملی اطلاع کے مطابق بہار میں برسراقتدار این ڈی اے میں شامل بی جے پی نے 74 سیٹوں پر، جے ڈی یو نے 43 سیٹوں پر، وکاسشیل انسان پارٹی (وی آئی پی) نے چار سیٹوں پر اور ہندوستانی عوام مورچہ ( ہم) نے 4 سیٹوں پر جیت درج کی ہے۔
دوسری طرف اپوزیشن عظیم اتحاد میں شامل آر جے ڈی نے 74 سیٹیں پر ، کانگریس 19 سیٹوں پر،سی پی آی ایم ایل نے 12 سیٹوں پر، سی پی آئی اور سی پی آئی ایم نے دو دو سیٹوں پر جیت حاصل کی ہے۔ اس الیکشن میں اے آئی ایم آئی ایم نے 5سیٹیں، لوک جن شکتی پارٹی اور بی ایس پی نے ایک ایک سیٹ جیتی ہے۔ ایک سیٹ پر آزاد امیدوار جیتنے میں کامیاب رہا ہے۔
وہیں بہار میں قومی جمہوری اتحاد (این ڈی اے) کی جیت پر وزیر اعظم نریندر مودی نے بی جے پی کارکنان اور بہار کی عوام کو مبارک باد دیتے ہوئے کہا ہے کہ ایک مرتبہ پھر بہار کی عوام نے این ڈی اے پر اعتماد کیا اور کام کرنے کا موقع دیا ہے۔
