کورونا وبا اور لاک ڈاون کے درمیان سنہ 2020 کی عید غیر معمولی نوعیت کی رہی۔ اس عید کو لوگوں نے سبق آموز قرار دیتے ہوئے تاریخی کہا۔ لوگوں کو یہ امید ہے کہ اس سے سبق حاصل کر آئندہ کے لیے بہتر کچھ کرنے کا موقع ملے گا۔
ای ٹی وی بھارت سے خصوصی ملاقات میں باشندگان پٹنہ نے کہا کہ ہمارے وہم و گمان میں بھی نہیں تھا کہ ایسا بھی وقت آئے گا کہ ہمیں اس طرح سے عید منانے کا موقع ملے گا۔
اصلاح معاشرہ کمیٹی کے چیئرمین امتیاز احمد نے کہا کہ اس بار کی عید یقیناً غیر معمولی عید رہی کیونکہ ہم لوگوں لاک ڈاون رمضان گزارا اور عید کی نماز گھروں میں پڑھی گئی۔ جو کبھی یہ جانتے بھی نہیں تھے کہ گھر میں پڑھی جا سکتی ہے'۔
ڈاکٹر ایم کیو جوہر نے کہا کہ' اس بار جو عید گزری وہ لوگوں کے خواب و خیال سے بھی پرے ہے اور اس عید میں لوگوں نے یہ سمجھا کہ کسی بھی طرح کے حالات ہوں اس سے کیسے نمٹنے اور اس حالات کے اندر بھی اسلامی احکامات کی ہم تعمیل کیسے کریں۔ اور جس ملک میں رہیں اس ملک کے حالات اور ضوابط کے مطابق اپنے آپ کو کیسے ڈھالیں۔ الحمد للہ لوگوں نے اپنے گھروں میں عبادت کی اور عید کی نماز گھر میں ادا کی'۔
عاس محمد نے کہا کہ' یہ عید تاریخی رہی ہم لوگ جب تک زندہ رہیں گے اس کو یاد رکھیں گے اور ہیإ اس عید سے بہت کچھ سیکھنے کو ملا'۔
آر کے ڈی کالج پٹنہ کے شعبہ نفسیات کے ایچ او ڈی پروفیسر امتیاز جمیل نے کہا کہ' یہ عید رسمی تو نہیں تھی مگر ہمارے علمائے دین نے جو مشورہ دیا ہم نے اس پر عمل کیا'۔
کمپیوٹر انجنیئر عزیر احمد نے کہا کہ اس بار کی عید بہت پھیکی اور اداس رہی لیکن اب تک جو ہم لوگ عید مناتے آرہے تھے اور اس عید کی جو کی خوشی ہوتی تھی رمضان کی وجہ سے وہ تو ملی لیکن اس بار ایک الگ نوعیت کا تھا کیونکہ لاک ڈاون برقرار ہے۔ ہمارے دینی تقاضے ہیں کہ ان امور کی بھی پابندی کی جائے جس کی وجہ سے کووڈ جیسی بیماری نہ پھیلے'۔
بینک کے ملازم محمد منظر حسن نے کہا کہ گزشتہ عید اور اس عید میں یہ فرق دکھا کہ ہم لوگ پہلے اپنے تمام بھولے بسرے لوگوں سے خلوص کے ساتھ ملا کرتے تھے مگر اس بار لوگوں سے لاک ڈاون کی وجہ سے دوری ہے'۔
