پولیس ذرائع نے بتایا کہ ضلع کے تارا باڑی تھانہ علاقہ کے جموا گاﺅں باشندہ سی ایس پی آپریٹر متھلیش کمار منڈل بینک سے روپے نکال کر موٹر سائیکل سے گھر لوٹ رہے تھے تبھی کوسی پور گاﺅں کے نزدیک گھات لگائے تین بدمعاشوں نے اسلحہ سے ڈرا کر انہیں روک دیا اور لوٹ پاٹ کی کوشش کی۔ مخالفت کرنے پر بدمعاشوں نے آپریٹر کو گولی مار کر زخمی کر دیا اور ان کے پاس سے تھیلے میں رکھے تین لاکھ بیس ہزار روپے لوٹ کر فرار ہوگئے۔
ذرائع نے بتایا کہ زخمی سی ایس سی آپریٹر کو ارریہ صدر اسپتال میں داخل کرایا گیا جہاں ابتدائی علاج کے بعد انہیں بہتر علاج کے لیے کٹیہار میڈیکل کالج اسپتال بھیج دیا گیا ہے۔ اس سلسلے میں متعلقہ تھانہ میں ایف آئی آر درج کر بدمعاشوں کی تلاش شروع کر دی گئی ہے۔
:
