نتیش کمار کا مقابلہ نتیش کمار سے ہی تو نہیں۔۔؟

بہار اسمبلی انتخابات میں نقل مکانی اور بے روزگار کا مسئلہ موضوع بحث ہے۔ ایسے میں جب نتیش کمار برسر اقتدار آئے تو لوگوں کی ان سے توقعات وابستہ تھیں۔ جو بہار کی ترقی پر منحصر تھا۔

ریاست بہار اور بہار کی سیاست پر گہری نظر رکھنے والے تجزیہ کاروں کو کہنا ہے کہ نیش کمار کافی حد تک اپنی ہی شبیہ میں قید ہوچکےہیں، لہذا آج جب وہ ترقی کی بات کرتے ہیں تو ان سے پوچھا جاتا ہے کہ بہار میں سرمایہ کاری کیوں نہیں ہورہی ہے۔۔۔؟

ای ٹی وی بھارت نے بہار اسمبلی انتخابات 2020 میں زیر بحث، بے روزگاری، نقل مکانی کے موضوع پر تجزیہ کاروں سے بات چیت کی، جانیں تجزیہ کاروں کی رائے۔

کیوں بہار کے لوگوں کو تعلیم حاصل کرنے کے لیے دوسری ریاستوں میں جانا پڑ رہا ہے؟ بہار کے لوگ پنجاب اور ممبئی میں کام کرسکتے ہیں تو بہار میں ان کے لیے ایسا نظام کیوں نہیں؟۔ آج کے نوجوان اس حقیقت کو قبول نہیں کررہے ہیں کہ بہار 'لینڈ لاک' ریاست ہے، یعنی بہار کی سرحد سمندر سے نہیں لگتی، لہذا یہاں صنعتیں قائم نہیں ہوسکتی ہیں۔

اسی لیے بھی لوگ اب نتیش کمار کا موازنہ سنہ 2005 نے نیش سے کرنے لگتے ہیں، جنہوں نے امیدیں جگائیں تھی، جنہوں نے یہ بتایا تھا کہ اگر ان کی حکومت بنتی ہے تو روزگار کے مواقع پیدا ہوں گے، لوگوں کو کام ملے گا۔ لیکن اسمبلی انتخابات 2020 میں روزگار، نقل مکانی سب سے بڑا موضوع ہے۔