بہار بھارتیہ جنتا پارٹی نے کانگریس کی شہریت ترمیمی بل کے پاس ہونے کو محمد علی جناح کے اصولوں کی جیت کی دلیل پر پلٹ وار کرتے ہوئے کہاکہ یہ بل جناح کے دیئے گئے زخموں پر نریندر مودی کا مرہم ہے۔
بی جے پی کے سنیئر رہنما اور بہار کے نائب وزیراعلیٰ سشیل کمار مودی نے ٹوئٹ کر کے کہاکہ 'کانگریس رہنما ششی تھرور کا یہ ماننا سراسر غلط ہے کہ شہریت ترمیمی بل پاس ہونے سے جناح کے اصولوں کی جیت ہوگی۔
سچ تو یہ ہے کہ کانگریس نے مذہب کی بنیاد پر تقسیم قبول کرکے نہ صرف جناح کو واک اوور دیا تھا بلکہ بقیہ بھارت پر اپنے طویل دورحکومت میں مذہب کی بنیاد پر سنگین بھید بھاﺅ جاری رکھا۔
سشیل کمار مودی نے کہاکہ بل کی مخالفت کرنے کے بجائے کانگریس کو بھارت کی تقسیم کیلئے ملک سے معافی مانگنی چاہئے۔ انہوں نے کہاکہ شہریت ترمیمی بل جنا ح کے دیئے گہرے زخمیوں پر مودی حکومت کامرہم ہے۔
نائب وزیراعلیٰ نے کہاکہ مرکزی وزیر داخلہ امت شاہ نے لوک سبھا میں شہریت ترمیمی بل پیش کر کے مذہب کی بنیاد پر ملک کی تقسیم کو قبول کرنے کے اس تاریخی جرم کی تلافی کرنے کا آغاز کر دیا ہے۔
اس کی وجہ سے پاکستان اور بنگلہ دیش جیسے ملکوں میں ہندو، عیسائی، پارسی اقلیتوں کو طویل عرصے تک مشکلات کا سامنا کرنا پڑا۔
مزید پڑھیں:شہریت ترمیمی بل: مسلم جماعتیں خاموش کیوں ہیں؟
حکومت جب متاثرہ غیر مسلم اقلیت پناہ گزینوں کو انصاف دینا چاہتی ہے تب کانگریس اور راشٹریہ جنتادل صرف ووٹ بینک کیلئے بل کی مخالفت کر رہی ہے۔
