وزیراعلیٰ نتیش کمار نے پانچ ریاستوں کے اسمبلی انتخابات میں جیت پر مختلف جماعتوں کو مبارک باد پیش کی ہے ۔
وزیراعلیٰ نے آسام میں دوسری بار اور پڈوچیر ی میں کامیابی حاصل کرنے پر بھارتیہ جنتا پارٹی کو مبارک باد و نیک خواہشات پیش کی ہیں۔
تمل ناڈو میں ڈی ایم کے کی جیت پر پارٹی اور اس کے لیڈر مسٹر متھوویل کرونا نیدھی اسٹالن کو وزیراعلی نے مبارک باد پیش کرتے ہوئے کہاکہ سال 2017 اور 2018 میں چنئی سفر کے دوران آپ سے ملاقات میں میں نے مستقبل میں آپ کے تمل ناڈو کے وزیراعلیٰ بننے کی تمنا کی تھی ۔ مجھے پورا یقین ہے کہ آپ ریاست کوفخر کی نئی بلندیوں پر لے جائیںگے ۔ آپ کے والد آنجہانی متھوویل کرونا نیدھی جی اصولی ، کامیاب اور مشہور سیاست داں تھے ، جن کے تئیں میرا شدید احترام ہے ۔
وزیراعلیٰ نے کیرل میں لیفٹ ڈیموکریٹک فرنٹ کی جیت پر مبارک باد پیش کرتے ہوئے کہاکہ مسٹر پنارائی وجین جی کیرل میں طویل عرصے کے بعد تاریخ ساز دوسری مرتبہ فتح پر آپ کو میری مبارکباد و نیک خواہشات ۔
مسٹر کما رنے مغربی بنگال کے اسمبلی انتخاب میں تیسری مرتبہ جیت حاصل کرنے پر ترنمول کانگریس پارٹی کو دلی مبارکباد و نیک خواہشات پیش کی ہیں۔
یو این آئی
