ریاست بہار کے ضلع کیمور میں ایک اسکول بس کے حادثہ کے شکار ہونے کی اطلاع موصول ہوئی ہے۔ اطلاعات کے مطابق اس حادثہ میں نصف درجن طلبا معمولی طور پر زخمی ہوئے ہیں۔
موصول اطلاعات کے مطابق یہ حادثہ کدرا تھانہ حلقہ کے چلبلی موضع کے پاس پیش آیا، بتایا جاتا ہے کہ چلبلی موضع میں د مارڈن نام کے پراٸیوٹ اسکول ہیں۔ اسکول کی چھٹی کے بعد بس طلبا کو لیکر روانہ ہوئی۔ بس جیسے چلبلی سے آگے بڑھی تبھی سامنے سے آرہی ایک کنٹینر سے ٹکرا بس سے ٹکرا گئی، جس سے بس میں سوار طلبا کو معمولی چوٹ آنے کی اطلاع ہے۔
اس متعلق اسکول کے سکریٹری ہریندر سنگھ نے بتایا کی صرف خوشبو کماری نام کی ایک لڑکی کو معمولی سی چوٹ آئی ہے جسے سہسرام میں پراٸمری علاج کرایا گیا۔ فی الحال لڑکی کی حالت درست ہے۔
