محکمہ صحت کے ڈاکٹرز اور افسران نے حج ہاؤس کا معائنہ کر یہاں فوری طور پر 150 بیڈ والے آئیسولیشن سنٹر کی تیاری کا فیصلہ کیا ہے۔
مہلک کرونا وائرس کے خطرے کو دیکھتے ہوئے ریاستی حکومت نے حج ہاؤس کی عمارت کو آئیسولیشن سنٹر میں تبدیل کرنے کا فیصلہ کیا ہے۔
حج اس کی دونوں منزل کے چار ہال اور تقریباً دس وی آئی پی کمروں کو آئسولیشن سنٹر میں تبدیل کرنے کی تیاری بڑے پیمانے پر چل رہی ہے۔ ریاستی حج کمیٹی کے سی ای او راشد حسین نے بتایا کہ محکمہ صحت کے افسران اور ڈاکٹروں کی ٹیم نے ریاستی حج ہاؤس کے عمارت کا معائنہ کیا ہے۔ حکومت کے فیصلے کے فوری بعد یہاں 150 بیڈز والے آئسولیشن سنٹر کی تیاری کی جارہی ہے۔
انہوں نے بتایا کہ' اس مصیبت کی گھڑی میں حج کمیٹی اور افسران کے لیے ریاست کے عوام کی خدمت کا موقع ہے وہ اپنے تمام وسائل کے ذریعے پورے دل و جان سے خدمت میں لگے رہیں گے۔ ابھی فوری طور پر محکمہ صحت کی ہدایت کے مطابق 150 بیڈو والے سنٹر کی تیاری جنگی پیمانے پر چل رہی ہے۔'
ریاستی حج ہاؤس کے ذریعے چلنے والے کوچین اینڈ گائیڈنس سیل کے تحت بہار سیول سروسز کے طلباء و طالبات کے لیے مفت رہائشی کوچنگ کا نظم اس عمارت میں کیا جاتا ہے۔ 31 مارچ تک تمام کلاس بند کر دیے گئے ہیں۔ اس عمارت کو آئسولیشن سینٹر کے لیے تیار کیا جا رہا ہے۔
