پٹنہ: بہار اسمبلی انتخابات میں بی جے پی انچارج دیویندر فڑنویس اور بہار بی جے پی انچارج بھوپندر یادو آج پٹنہ پہنچ گئے۔ بتادیں کہ یہ دونوں رہنما گذشتہ روز پٹنہ سے دہلی کے لیے روانہ ہوئے تھے پھر آج دونوں رہنما خصوصی طیارے سے پٹنہ پہنچ گئے ہیں۔
این ڈی اے میں اب بھی سیٹوں کی تقسیم پر اختلاف
بہار اسمبلی انتخابات میں این ڈی اے اتحاد کے درمیان سیٹ شیئرنگ معاملے پر اب تک کوئی حتمی فیصلہ نہیں لیا گیا ہے۔ خیال کیا جاتا ہے کہ بی جے پی قائدین دوبارہ پٹنہ آئے ہیں تو وہ وزیر اعلی نتیش کمار سے مل سکتے ہیں اور اس پر کوئی حمتی فیصلہ جلد متوقع ہے۔
سیٹ شیئرنگ معاملے پر بچتے ہوئے نظر آئے بی جے پی رہنما
دونوں رہنما پٹنہ ایئرپورٹ پر سیٹ شیئرنگ کے معاملے کے حوالے سے کسی بھی قسم کے جواب سے گریز کرتے ہوئے نظر آئے۔ لیکن ذرائع سے ملنے والی معلومات کے مطابق آج اس فارمولے پر بات چیت ہونی ہے۔ نیز این ڈی اے میں آگے کی حکمت عملی کیا ہوگی یہ دیکھنا دلچسپ ہوگا۔
