بہار میں کیمور ضلع کے دو تھانہ علاقوں سے کثیر مقدار میں شراب اور ایک لاکھ روپے کے ساتھ ایک فرضی ڈنٹسٹ سمیت چار افراد کو گرفتار کیا گیا ہے۔
پولیس سپرنٹنڈنٹ دلنواز احمدنے آج یہاں بتایاکہ ضلع کے درگا وتی اور موہنیاں تھانہ کی پولیس نے اطلاع کی بنیاد پر کدرا تھانہ علاقہ کے سلتھواگاﺅں باشندہ فرضی دانت کے ڈاکٹر کملیش کمار سنگھ، درگاوتی تھانہ علاقہ کے بھانو پور گاﺅں باشندہ امیش کمار یادو عرف بابا، درگاوتی تھانہ علاقہ کے نو ں ون گاﺅں باشندہ انکت شرما اور راجو گپت کو کل دیر رات گرفتار کرلیا ۔
انہوں نے بتایاکہ ان کے پاس سے ایک لاکھ روپے نقد کے علاوہ ٹا ٹاسومو گرینڈ، تین موٹر سائیکل، ایک ایکٹیوا اسکوٹی اور موبائل فون برآمد کیا گیا ہے۔ مسٹر احمدنے بتایاکہ ان کی نشاندہی پر کدرا تھانہ علاقہ کے سلتھو ا گاﺅں سے 8175 بوتل انگریزی شراب برآمد کی گئی ہے۔
