ریاستی الیکشن دفتر کے مطابق ، دوسرے مرحلہ میں 94 اسمبلی حلقوںمیں صبح سات بجے سے ووٹنگ چل رہی ہے اور سہ پہر پانچ بجے تک 51.80 فیصد رائے دہندگان جمہوریت کے عظیم تہوار کا حصہ بننے کیلئے ووٹنگ کر چکے ہیں۔ اس کام میں سب سے زیادہ مظفر پور کے 50.96 فیصد رائے دہندوں نے جوش وخروش دکھایاہے جبکہ پٹنہ ضلع کے رائے دہندوں کی رفتار سست رہی ہے اور سہ پہر تین بجے تک سب سے کم 39.65 فیصد رئے دہندوں نے اپنے حق رائے دیہی کا استعمال کیا ہے ۔
مغربی چمپارن ضلع میں 55.99 فیصد ، مشرقی چمپارن میں 52.63 فیصد، شیوہر میں 53.50، سیتامڑھی میں 54.09، مدھوبنی میں 52.67، دربھنگہ میں 51.40، مظفر پور میں 57.08، گوپال گنج میں 52.79، سیوان میں 48.47، سارن میں 50.50 فیصد ، ویشالی میں 51.93 فیصد، سمستی پور میں 52.69 ، بیگوسرائے میں 57.13، کھگڑیا میں 50.05 ، بھاگلپور میں 44.98 ، نالندہ میں 45.46 ، اور پٹنہ ضلع میں 39.65 فیصد رائے دہندوں نے ووٹنگ میں حصہ لیا ۔
دریں اثناءبیگو سرائے ضلع کے بکھری اسمبلی حلقہ کے بکھری بازار میں ووٹنگ شروع ہونے میں تاخیر کی وجہ سے ووٹروں نے ہنگامہ کر دیا ۔ ہنگامہ کر رہے لوگوں کو بے قابو کرنے کیلئے پولیس کو معمولی طاقت کا استعمال کرنا پڑا ۔ وہیں پٹنہ ضلع کے فتوحہ اسمبلی حلقہ سونارو گاﺅں کے پولنگ مرکز نمبر۔185 پر بھی زبردست ہنگامہ ہوا۔ اس کے علاوہ ووٹ دے رہے کنبوں کے ساتھ دبنگوں نے مار پیٹ کی ہے ۔ اس سے متعلق متاثرین نے تھانے میں شکایت درج کرائی ہے ۔
