یوتھ بریگیڈ سماج وادی پارٹی اترپردیش کے سیکریٹری محمد نوشاد عرف سونو نے کہا کہ آج ریاست میں ایک ناکام اور نااہل حکومت کو اقتدار میں لانے کے ذمہ دار ہم خود ہیں۔ کیونکہ ہم نے ووٹ ڈالتے وقت اس بات پر غور نہیں کیا۔ اس لیے پوری ریاست کی عوام آج ترقی اور بنیادی وسائل سے محروم ہے۔ اتر پردیش کی بی جے پی حکومت اشتہارات پر چلنے والی حکومت بن کر رہ گئی ہے۔
اترپردیش کے نوئیڈا کے چوٹ پور کالونی میں ایک پروگرام کے دوران نوئیڈا اسمبلی کے متوقع امیدوار محمد نوشاد نے کہا کہ بے روزگاری اپنے عروج پر ہے اقتصادی حالات بد سے بدتر ہیں۔ ہر طرف مایوسی کا رجحان ہے، عوام کو بھی احساس ہونے لگا کہ انہوں نے غلط لوگوں کا انتخاب کیا۔
موجودہ دور میں ریاستی عوام شدت سے تبدیلی کے خواہاں ہیں۔ ایسے صورت میں سماج وادی پارٹی ان کے لیے سب سے بہتر متبادل ثابت ہوگی۔
مزید پڑھیں: اتسو میں مشغول سیلاب سے بے خبر ہے بی جے پی حکومت: اکھلیش
محمد نوشاد نے کہا کہ ہمیں یقین ہے کہ اس بار ریاست میں سماج وادی پارٹی کی حکومت بنے گی۔ اس موقع پر سماج وادی پارٹی کے سینیئر رہنما اجے چوہان، نور حسن سمیت سماج وادی پارٹی کے سینکڑوں کارکنان موجود تھے۔
