ایم آر گروپ کی ملکیت والی پروکبڈی لیگ فرنچائزی یوپی یودھا آج لگاتار تیسری بار پرو کبڈی لیگ میں جیت کا عزم ظاہر کیا ہے جنکی ہوم لیگ کی شروعات گریٹر نوئیڈا کے شہید جے سنگھ اسپورٹس کمپلیکس میں پانچ اکتوبر سے ہو رہی ہے ہے لیکں کا اختتام 11اکتوبر کو ہوگا۔ تمام گیمز شام ساڑھے سات بجے سے شروع ہوں گے۔
آج یوپی یودھا نے ایک پروگرام کے دوران ہوم لیگ لانچ کیا، اس موقع پر جی ایم آر لیگ گیم پرائیوٹ لمیٹیڈ کے سی ای او کرنل ونود بشٹ، یو پی یودھا کے ہیڈ کوچ جسویرسنگھ اور کپتان نیتش کمار جیسے کھلاڑی بھی موجود تھے۔
پچھلے دس میچوں میں سات میں جیت درج کرنے والی یو پی کی ٹیم ٹیبل پوائنٹس پر ٹاپ پر موجود دہلی دبنگ کے ساتھ اگلے مقابلے کے لیے تیار ہے۔
اس موقع پر سی ای او جی ایم آر لیگس گیمز کرنل ونود کمار بشٹ نے کہا کہ ہماری ٹیم بہت فارم میں ہے اور ہمیں یقین ہے ہم اسے برقرار رکھنے میں کامیاب رہے گے۔
جبکہ ٹیم کے کپتان نتیش کمار نے کہا کہ ہم ایک یونٹ کے طور پر کھیلنا چاہتے ہیں اور یہ یقینی بنانا چاہتے ہیں کہ ہم ہر میچ جیتیں، ہمیں ایک بہتر کمبینیشن مل گیا ہے اور ہم اپنا فطری کھیل کھیلنا چاہتے ہیں اور اپنی صلاحیتوں کا بھرپور استعمال کرنے کی کوشش کریں گے۔
جبکہ ہیڈکوچ جسویرسنگھ نے کہا کہ ہم ہوم لیگ کو کسی بھی عام کھیل کی طرح کھیلیں گے حالانکہ ہمیں یہاں زیادہ سپورٹ ملے گا لیکن ہم جیت کے عزم کے ساتھ کھیلنے اتریں گے۔
