گریٹر نوئیڈا کے بسرکھ کوتوالی کے ہمایوں پور گاؤں کے بی جے پی رکن کو نامعلوم افراد نے گولی مار دی۔
بی جے پی رکن ہری اوم رات کھیتوں میں پانی لگا کر لوٹ رہا تھا۔ اسی وقت تین بدمعاشوں نے ان پر فائرنگ کردی۔ گولی ہری اوم کے کندھے پر لگی اور وہ وہیں گرپڑے۔ گولی کی آواز سن کر لوگ دوڑے جہاں وہ خون میں لت پت تھے۔
انہیں فورا جیور کے نجی ہسپتال میں داخل کرایا گیا جہاں ان کا علاج چل رہا ہے اور پولیس معاملے کی تفتیش کر رہی ہے۔
واضح رہے کی اترپردیش میں یوگی حکومت کے آنے کے بعد بدمعاشوں پر لگام کستے ہوئے متعدد انکاؤنٹر کروایا گیا تھا لیکن بدمعاشوں میں کسی بھی قسم کا کوئی ڈر اور خوف پیدا نہیں ہو رہا ہے اور روزانہ کوئی نہ کوئی واردات ہو رہی ہے۔
