ریاست اترپردیش کے ضلع نوئیڈا کی غیر سرکاری کالونیوں میں بجلی کی فراہمی کے مطالبہ پر کانگریسی رہنماؤں نے مقامی لوگوں کے ساتھ ایف این جی شاہراہ پر احتجاج کیا۔
بارش کے باوجود کانگریس کے رہنما انیل یادو کی سربراہی میں کالونیوں کے رہائشیوں نے ایف این جی شاہراہ کو بند کردیا۔ مقامی لوگوں نے ریاستی حکومت اور محکمہ بجلی کے خلاف نعرے بازی کی۔ کچھ گھنٹے سڑک بند رہی تاہم بعد میں پولیس شاہراہ کو کھلوانے میں کامیاب رہی۔
لوگوں کا کہنا تھا کہ وزیر توانائی نے یقین دہانی کرائی تھی لیکن سال گزرنے کے باوجود لاکھوں گھروں کو بجلی نہیں مل رہی ہے۔ انیل یادو نے کہا "نوئیڈا کا شمار ملک کے ترقی یافتہ شہروں میں ہوتا ہے۔ اترپردیش حکومت کو یہاں سے سب سے زیادہ محصول حاصل ہوتا ہے۔
یہ بھی پڑھیں: نوئیڈا: مہنگائی کے خلاف کانگریس کارکنان کا احتجاج
انھوں نے کہا کہ لاکھوں خاندان بدترین زندگی گزارنے پر مجبور ہیں اور نوئیڈا جیسے شہر میں لاکھوں خاندان بجلی سے محروم ہیں مقامی لوگوں نے وزیراعلیٰ، وزیر توانائی اور تمام افسران کو خط بھی لکھا گیا پھر بھی ان کے مسائل بدستور برقرار ہیں۔ وزیر توانائی شری کانت شرما نے کچی کالونیوں میں بجلی فراہم کرنے کا وعدہ بھی کیا تھا لیکن اس پر عمل درآمد نہیں ہوا ہے۔
