حکومت کی اہم اسکیم اسکل ڈویلپمنٹ مشن کی وسیع تشہیر کے مقصد کے لئے حکومت کی طرف سے ایل ای ڈی وین اور اسٹریٹ تھیٹر ٹیم آج ضلع گوتم بدھ نگر پہنچی۔
نوئڈا کے ڈسٹرکٹ مجسٹریٹ سہاس ایل وائی اور چیف ڈویلپمنٹ آفیسر انیل کمار سنگھ کی قیادت میں ایل ای ڈی وین اور نکڑ ناٹک ٹیم کو روانہ کیا گیا۔
یہ ٹیم اپنے دورے کے دوران کلکٹریٹ کمپلیکس، پری چوک، گور سٹی چوک اور دادری بس اسٹیشن میں پروگراموں کا اہتمام کرتے ہوئے حکومت کے اس اہم منصوبے کو قومی اسکل ڈویلپمنٹ مشن کے بارے میں وسیع پیمانے پر عام لوگوں تک معلومات فراہم کر رہی ہیں۔
یہ بھی پڑھیں: معقول قیمت نہ ملنے سے اخروٹ کے کاشتکار پریشان حال
اسکل ڈویلپمنٹ مشن سرکار کی ایک اہم اسکیم اور مشن ہے جس کا مقصد نوجوانوں کو خود کفیل بنانا، خود روزگار کا آغاز کرنا اور ان کی معاشی حالت مستحکم کرنا ہے، جس کے تحت بے روزگاروں نوجوانوں کو روزگار فراہم کرنے کے ساتھ ساتھ تربیت کو بھی یقینی بنانا ہے۔
