نوئیڈا اتھارٹی کی سی ای او ریتو مہیشوری نے کوویڈ ویکسین لگوانے کے بعد کہا کہ یہ ویکسین مکمل طور پر محفوظ ہے۔ ہم سب کو بغیر کسی خوف کے ٹیکہ لگوانا چاہئے۔
چیف ایگزیکٹیو آفیسر او ریتو مہیشوری نے نوئیڈا اتھارٹی، پولیس اور ضلعی انتظامیہ کے ملازمین کا بھی شکریہ ادا کیا، جنہوں نے کورونا کی وبا کے دوران ہمت اور عزم سے کام لیا اور بہادری کا مظاہرہ کرتے ہوئے ہر محاذ پر تعینات رہے۔
گوتم بدھ نگر کے لوگوں کو مخاطب کرتے ہوئے سی ای او نے کہا کہ ویکسین لگانے کے بعد بھی کورونا وبا کے بارے میں محتاط رہنے کی ضرورت ہے۔ لہٰذا حفظان صحت کے لئے ہینڈ ہائجین ساتھ رکھیں۔ معاشرتی دوری کا خیال رکھیں ساتھ ہی ماسک پہنیں۔
انہوں نے ملک کی متعدد ریاستوں میں کورونا کے مریضوں کی بڑھتی ہوئی تعداد پر تشویش کا بھی اظہار کیا۔ انہوں نے کہا ، "ہم سب کو اس وبا کا ذمہ داری کے ساتھ مقابلہ کرنا ہے۔ تاکہ کورونا کی دوسری لہر کے خطرے سے نمٹا جاسکے۔
