نوئیڈا کے سیکٹر 50 میں واقع میٹرو اسٹیشن کو 'رینبو' کے نام سے جانا جائے گا۔ اس میٹرو اسٹیشن کو نوئیڈا میٹرو ریل کارپوریشن نے ٹرانسجینڈر کمیونٹی کے لیے وقف کیا ہے۔
نوئیڈا اتھارٹی کی سی ای او اور این ایم آر سی کی ایم ڈی ریتو مہیشوری نے میٹرو اسٹیشن کے نام کے بارے میں شہریوں سے تجاویز طلب کی تھیں جس کے بعد رینبو نام کا انتخاب کیا گیا ہے۔
ریتو مہیشوری نے بتایا کہ اگلے ماہ تک میٹرو اسٹیشن ٹرانسجینڈر برادری کے لیے تیار ہوجائے گا۔ ٹرانسجینڈر برادری کے بہت سے لوگوں نے میٹرو اسٹیشن کے حوالے سے تجاویز دی ہیں۔
میٹرو اسٹیشن میں معاہدہ کی بنیاد پر ٹکٹ فروخت کرنے والے اور ہاؤس کیپنگ جیسے کاموں کے ذریعہ روزگار فراہم کیا جائے گا۔ اس کے لیے این ایم آر سی تربیت فراہم کرے گا اور عملے کو ان کے بہتر رویہ کی تربیت بھی دی جائے گی۔
نوئیڈا اتھارٹی کے سی ای او ریتو مہیشوری نے بتایا کہ اس وقت میٹرو اسٹیشن بند ہے لیکن اگلے مہینے تک اس کی تیاری مکمل کرلی جائے گی۔
