کسان رہنما کی رہائش گاہ پر پولیس کا پہرہ، ٹول پلازہ جانے سے روکا

کسان رہنماؤں نے انتباہ دیا ہے کہ اگر کسانوں کو اسی طرح روکا جائے گا تو تحریک میں مزید شدت پیدا کی جائے گی اور اگر حکومت باز نہ آئی تو کسان یونین دوبارہ دہلی ،نوئیڈا اور غازی آباد کی سرحد کو بند کردے گی۔

نوئیڈا: کسان تحریک میں شامل ہونے کے لئے اتر پردیش کے مختلف علاقوں سے کسان دہلی کے لئے روانہ ہو رہے ہیں لیکن مقامی انتظامیہ ریاستی حکومت کے اشارے پر مختلف اضلاع میں روک رہی ہے۔

آج بھی بھارتیہ کسان یونین کے علاقائی رہنما پرویندر کو سورج پور ٹول پلازہ جانے سے پہلے ہی نوئیڈا پولیس نے سیکٹر 116 میں واقع ان کی رہائش گاہ کو محاصرے میں لے لیا اور سورج پور جانے سے روک دیا۔

ان کے گھر کے باہر پولیس کا پہرہ بٹھا دیا گیا۔اس کی وجہ سے وہ کسانوں کی رہنمائی کرنے سے قاصر رہے۔
کسان رہنماؤں نے انتباہ دیا ہے کہ اگر کسانوں کو اسی طرح روکا جائے گا تو تحریک میں مزید شدت پیدا کی جائے گی اور اگر حکومت باز نہ آئی تو کسان یونین دوبارہ دہلی ،نوئیڈا اور غازی آباد کی سرحد کو بند کردے گی۔

اس سے عوام اور انتظامیہ کو شدید مسائل اور مشکلات سے نبرد آزما ہونا پڑے گا۔